自由

    對我來說，最能代表幸福指數的莫過於「健康」了。當然，我所謂的「健康」並不是單指身體健康，還包括了心理的健康、思想的健康等等。必須將許多條件結合在一起，我們才能活得更健康。
各種條件當中，身體健康是最重要、最必須重視的一項。前陣子才因感染疑似有傳染性的疾病而在醫院坐了十幾天的「牢」，使我體悟到身體健康的重要。身體上的病痛再加上只能被隔離在病房內的無奈，更讓我深深地體會到「身體健康」是多麼的幸福。我們要用心愛護以及仔細照顧自己的身體，這樣才能使自己得到身體健健康康的幸福感。
    另外，心理的健康也是極為重要的。在眾多困難及壓力下，必須要調整好自己的心態，使自己能夠用正確的態度面對並且解決困難及壓力。還有，過大的壓力也必須要適時地紓解，不然如果累積太多，是會造成身體及心理的雙重損害的。這些都是保持心理健康的最佳處方籤，也是保持心情愉快的不二法門。
    擁有健全的「健康」，是我所追求的幸福目標。各式各樣的條件都是構成「健康」的重要元素，缺一不可。如果收集愈完整的條件，我的幸福指數就愈高，還可能一路狂飆、直線上升呢!

一、電影的基本介紹

名稱：世界是平的

導演：約翰傑夫考特（John Jeffcoat）

發行公司：佳映

一、受訪者基本資料

    名姓：鄭清佑

    佮我ê關係：阿公佮孫仔

    佗位人：雲林縣元長人

    蹛過啥物所在：雲林縣元長鄉埔墘(無離開過)

    參訪地點：國家人權博物館籌備處

    人權博物館籌備處是一个見證台灣人權歷史的所在，內底所記錄是咱台灣人追求民主自由的心酸過程。徛佇人權博物館籌備處內底，我更加體會著白色恐怖時期人民的驚惶佮不安。看著第一法庭內主判官的位置，敢若我就是準備欲予判刑的犯人。行出第一法庭，刻佇軍事法庭外面的「公正廉明」四字刺入我的目睭。彼四字是予我感覺真好笑，這佮白色恐怖時代的審判真正是反差足大。行入面會室《月夜愁》閣有《河邊春夢》的歌詞就走入去耳空內，淡淡的悲傷予我真毋甘。面會室內的電話錄音嘛予我一種幻想，若親像我就是咧佮當事人講話，心肝頭真正是結規毬！

    真多謝老師提供一个好所在。因為有了這擺的參訪，予我對白色恐怖時代有更加深的認知，嘛更加會使體會咱這馬的自由佮權利真正是足無簡單才得著的。所以，咱愛好好珍惜，同時嘛愛感謝遮的勇敢前輩!

    田醫師夫妻的故事予我真感動，我足佩服怹翁仔某的勇氣。身為台灣人，就是愛為台灣人打拚！對抗不公平的政府，爭取全台灣人的權利。看記錄片的時陣，我是感動甲目屎流袂停。毋管是堅定不變的感情，抑是無顧性命的抗爭，田醫師翁仔某的精神是咱應該愛學習的。

    紀錄片內底予我印象上深的就是鄭南榕先生佮詹益樺先生的自焚事件。相片、影像閣有聲音，真正我予足大的衝擊！看著怹按呢的犧牲，我心內是滿滿的佩服佮毋甘。好家哉，天公伯無負有心人，怹的付出有了價值。這馬台灣人的自由佮權利，就是上好的證明。所以，咱應該愛好好珍惜咱的自由，同時嘛愛感謝遮的勇敢烈士。若是無怹的勇敢爭取，咱可能猶原生活佇驚惶不安的「白色恐怖」之中。怹真正咱台灣人的第一勇士！

    這个禮拜有足濟的送舊活動！毋管是系上的、系上排球隊的抑是社團的，攏予我感覺真毋甘。想著四年仔的學長佮學姊就欲離開一个大家庭，就會足傷心的！對一年仔到三年仔的人攏真用心咧準備送舊活動，就是想欲予學長、學姊有一个完美的回憶！雖然準備的過程真辛苦，練習之中嘛拄著真濟困難，毋過看著學長佮學姊看阮準備的表演看甲真歡喜的時陣，就感覺所有的付出攏有價值囉！真心希望畢業的學長、學姊攏會使有真好的未來，就算是遭遇難題，嘛會使順利化解。

    看完台灣史望春風最後一集了後，予我想起真濟代誌。因為各種歷史因素的影響，「國家認同」是咱台灣人一直存在的問題。一直變化的政權予人民分袂清楚，因此產生了國家認同的障礙。咱台灣人就按呢予人捒來捒去，到最後竟然連一个徛起的所在嘛無，遮真正是予人感覺真悲傷嘛真可笑！

   「華麗的假期」這个電影予我真大的衝擊，一个國家的政府竟然按呢對待家己國家的人民，遮真正是足無道理的！ 

    敢講人命遮爾無值錢！

    咱讀過的歷史上，按呢的「大屠殺」發生過足濟擺。毋管是電影內講著的韓國「光州事件」，抑是秦代的「焚書坑儒」，攏是統治者輕視人命的例。透過「光州事件」，嘛予我想起中國閣有發生過一个足驚人的大屠殺。咱這馬將彼个事件叫做「南京大屠殺」，這个事件予我的刺激嘛是足大的！

    等待的心情真正是予人足緊張的！經過足長時間得等待，這禮拜一總算公布有通過師資生資格的名單，足歡喜我的名字有出現佇名單頂面。另外一方面，我所申請的「知能增能學程」嘛佇今仔日公布名單。真歡喜我嘛有通過資格！

    毋過，嘛因為按呢出現了予我煩惱的代誌。我應該愛按怎分配我二年仔的課程才好？這个問題真正無好處理......

    最後，我決定將「師資生」囥佇第一，我的興趣「知能增能學程」就先將伊擺佇第二。希望我未來會當有時間來好好上佮我的興趣有關的「知能增能學程」。

    最近真正足無閒，所有的活動攏佇這个時陣舉辦。毋管是系上送舊活動的表演，抑是社團的成果發表會，攏需要時間好好練習。這馬逐工攏愛練習送舊活動的表演，有時陣的暗時閣愛去社團練習欲表演的物件。希望按呢用心的練習會當予表演順利進行，嘛希望會使予四年仔的學長佮學姊看了真歡喜！

    社團的成果發表會就欲佇後禮拜三舉行，我真正足緊張的！這擺發表會所欲演出的樂曲，閣有一寡仔是我無蓋熟的，我愛利用有閒的時間好好練習練習。希望佇發表會的時，會使演出完美、無錯誤的樂曲！

   這馬甲知影「跳舞」這項代誌真正有夠辛苦！因為系上欲舉辦送舊的活動，所以阮班準備了一个跳舞的節目欲予四年仔的學長佮學姊欣賞。大家攏為著這个表演真用心咧練習！雖然動作真困難，這馬的大家攏無法度做了真好看......但是我相信只要大家一直練習落去，一定會使表演出上精彩的節目！看著大家遮爾打拚，我嘛欲提出我上頂真的心態，將這个表演做甲上好！

    英文的話劇比賽是這禮拜上精彩的代誌。雖然我無演出任何角色，但是身為班上的一份子，我嘛是緊張甲一粒心臟跳袂煞。毋過真可惜，阮班的表演無得著評審的欣賞。但是，經過這擺的比賽，大家的感情更加好，嘛熟似更加濟的人！