自由

    這禮拜我總算將一本看了足久的冊看完，這本冊的冊名是一九四五年台灣處分。這本冊予我對台灣佇第二次世界大戰的處境，有閣卡濟的了解。冊內底是用日本人的觀點描寫台灣對第二次大戰後期到戰後的情形。讀了這本冊，予我了解足濟我所毋知的代誌，其中包括美國軍人被槍殺的真相、台灣島的人是按怎予日本政府欺騙等等的真相。遮的事實的真相予人感覺真稀微，嘛足無奈的。一个大帝國主義的國家，竟然落魄到愛用欺騙的方法來隱瞞家己國家的軍人佮人民，這嘛予人真感嘆！

    1970年代的台灣相連紲發生真濟代誌。對外，被迫退出聯合國、佮美國閣有日本等等的邦交國斷交。台灣的國際地位就按呢漸漸予中國取代。對內，經濟的發展遭遇困難，人民的不滿開始爆發出來。

    其實，我真無認同彼時陣退出聯合國的決定。雖然彼時陣台灣予其他國家看袂起，但是嘛袂使因為按呢就生氣退出！因為袂勘得自尊心予人看低就決定退出是一件足無彩的。若是彼時台灣無退出聯合國，嘛袂拄著後來遮的代誌。台灣的國家地位嘛袂像這馬按呢，「像人毋是人，像鬼毋是鬼」！

    當時的台灣不只外交受著阻礙，內政嘛亂糟糟。經濟攏無起色，人民的生活愈來愈毋好過。因為按呢，人民不滿政府的聲音開始出現，希望政府與台灣人更加濟的政治權力。雖然對蔣經國先生順利接班之後台灣的經濟開始起飛，毋過各種由人民發起的民主運動並無因此消失，顛倒愈來愈濟人參加這个運動。

    中壢事件、美麗島事件等等的民主運動一一出現，人民毋願放棄的堅持加上國際人權組織的支持予政府開始注重咱台灣人民的意思。咱應該愛好好感謝遮勇敢的民主先驅，若是無這陣人的努力佮犧牲，就毋今仔日民主自由的社會！生活佇這个環境的我是無法度真正體會、了解影片閣有文獻內底所講的「白色恐怖」、「文字獄」等等的怪事。會當生活佇這个政治民主、社會自由的台灣真正足幸福！

    這禮拜是予我上緊張的一个禮拜，這是為啥物咧?因為這禮拜會分期中考所考的考卷。看著同學一个一个行進前去領考卷，我的心臟是咧欲跳出來。雖然這擺考試的成績無我原本想的遐爾悽慘，但是嘛無講蓋理想。所以，我決定欲更加用功讀冊。我欲佇期尾考的時陣，好好表現予對我有所期待的老師看！

    這禮拜閣有一項代誌予我真煩惱，遐就是揣厝。因為無抽著學校的宿舍，所以我愛去揣新學期欲住的所在。毋管是對網路上揣、問學長佮學姊抑是去街路黑白揣，我用盡所有辦法就是想欲揣著較俗、較好勢的厝。希望我會當租著我理想的厝！

一、冊ê基本資料：

   冊名－台灣處分1945年

   作者－鈴木茂夫

   譯者－陳千武

   出版社－晨星

主題：音樂神童--阿瑪迪斯．莫札特 

一、生平介紹

    沃夫岡·阿瑪迪斯·莫札特1756年1月27日出生於奧地利薩爾茲堡，在1791年12月5日去世於維也納，享年35歲。莫札特是音樂史上的奇蹟，三歲習琴，五歲作曲。六歲時，莫札特的父親將他送至歐洲各國宮廷一展才華，也因此讓莫札特得到「音樂神童」之美譽。

    莫札特小時候大半的時間都在旅行及演奏渡過。也因為這樣，莫札特在這個時期接觸到了各地不同風味，不同型式，不同特色的音樂。這些經驗對他極為重要，他日後的作品融合了這些素材，故而有一種世界性。

人權之旅  

    人權博物館景美園區是一个見證台灣人權歷史的所在，內底所記錄是咱台灣人追求民主自由的辛酸過程。看著第一法庭內主判官的位置，敢若我就是準備欲予判刑的犯人，驚惶佮不安是我唯一的感覺。行出第一法庭，軍事法庭外口「公正廉明」四字刺入我的目睭。彼四字予人感覺真好笑，這佮白色恐怖時期的審判實在是差有夠濟！

    看了遮濟有關白色恐怖時期的影片，予我上大的感想是－－咱會使出生佇這个自由閣民主的時代真正足幸福的!同時，我嘛足愛感謝遮的先人。若是無怹的打拚，這馬咱就無法度享受著按呢的自由。

    因為進前我有去參訪過佇綠島的人權博物館，所以老師頂一擺上課時所放的「綠島人權之旅」予我想起了彼陣咧參觀博物館時的感受佮心情。行佇博物館內的監獄，我敢若會使體會著白色恐怖時期，人民心內的驚惶佮不安。

    頂拜六我閣有去允言老師鼓勵阮去的人權博物館籌備處參訪。看著刻佇軍事法庭外面的「公正廉明」四字。彼四字刺入我的目睭，予我的感覺實在是真好笑，這佮白色恐怖時代的審判真正是反差足大。面會室內的受難者猶有受難者家屬的錄音予我一種幻想，若像我就是轉去了彼的時代，親身咧佮當事人講話。

    頂拜六我佮我的小妹去輔仁大學面試，然後去允言老師鼓勵阮去的人權博物館籌備處參訪。徛佇人權博物館籌備處內底，感覺我會使更加體會白色恐怖時代人民的驚惶佮不安。看著第一法庭內主判官的位置，敢若我就是準備欲予判刑的犯人。行出第一法庭，刻佇軍事法庭外面的「公正廉明」四字刺入我的目睭。彼四字是予我感覺真好笑，這佮白色恐怖時代的審判真正是反差足大。面會室內的電話錄音予我一種幻想，若像我就是咧佮當事人講話。

    因為進前我有去參訪過綠島的人權博物館，所以遮擺參訪人權博物館籌備處予我對白色恐怖時代有更加深的認知!

    頂禮拜放清明連假，嘛就是春假。清明節對阮兜來講是一个大日子，分散佇台灣各地的親族攏會轉來，大家做伙去培墓。這擺去培墓時，我發現一項代誌，就是原來阮兜的祖先是對中國一个叫做「山前」的所在來的。
    清明連假結束了後，就是台一甲的服務學習－－行大甲媽。對雲林縣的元長鄉開始行，目的是嘉義縣新港鄉的奉天宮。老師講這擺先予阮試水溫，等到二年仔的時陣，就愛來行全程。
    按呢行了歸工，我的跤實在是有夠痛嘛有夠酸!行一工就按呢，明年是欲按怎?這馬我只要想到明年愛行九工，就真正是欲哭無目屎啊!